twitter
    I'm a higher order machine learning to learn...

Nav Varsh

This is for all my friends & near and dear one .....


Nav-varsh me tere sapno ko , Unmukt anant udaan mile
Har khwaab ko poora kar de jo , Tujhko aisa armaan mile
Koi hridaya se tujhko chahe , Tujhe preet ka har sammaan mile

Nadiyon ki tarah ka pran mile , Parvat jaisa abhimaan mile
Koi raah tujhe na veeran mile , Har raah ko ek anjaam mile

Chehre pe nahi dil par bhi ho , Tujhko aisi muskaan mile
Har subah teri ummeed bhari , Har shaam ko teri shaan mile

Har raat tumhari neendo ko , Kisi lori ka aaram mile
Ham naaz kare tujh pe e-dost , Tujhko aisa imaan mile

Is saal tu aisa kar jaye , Dushman se tujhe samman mile
Koi dukhi na ho teri basti me , Sabko khushiyon ka jaam mile

Antank ke bhadkte sholon ko , Ek chir anant viraam mile